सोने-चांदीतील घसरण सुरूच ; सोन्याचा भाव ५० हजारांखाली

0
369

भांडवली बाजारात गुंतवणुकीचा वाढता ओघ आणि करोना संकटावर बड्या अर्थव्यवस्थांकडून जाहीर होणाऱ्या आर्थिक पॅकेजच्या पार्श्वभूमीवर कमॉडिटी बाजारात सोने आणि चांदीवर दबाव आहे. सोने आणि चांदीच्या दरात आज पुन्हा घसरण झाली आहे. काही शहरांमध्ये २२ कॅरेट सोन्याचा भाव ५० हजारांखाली गेला आहे.                            मुंबई : मागील काही दिवस सोने आणि चांदीच्या दरात सुरु असलेली घसरण गुरुवारी देखील कायम आहे. (Gold-Silver price fall today) सध्या मल्टी कमाॅडिटी एक्सचेंजवर (MCX) सोने २४ रुपयांनी कमी झाले असून त्याचा भाव प्रती १० ग्रॅम ५१७५५ रुपये झाला आहे. चांदीचा भाव १०९ रुपयांनी कमी झाला असून तो एक किलोला ६७४२० रुपये आहे. दरम्यान गेल्या काही दिवसांतील घसरणीमुळे सराफा बाजारात (spot market) २२ कॅरेट सोन्याचा भाव ५० हजारांखाली आला आहे. goodreturns या वेबसाईटनुसार आज गुरुवारी दिल्लीत २२ कॅरेट सोने ४९८६० रुपये असून २४ कॅरेटचा भाव ५४३९० रुपये आहे. कोलकात्यात २२ कॅरेट सोने ५०१८० रुपये असून २४ कॅरेटचा भाव ५२८८० रुपये आहे. चेन्नईत २२ कॅरेटचा भाव ४९२०० रुपये असून २४ कॅरेटचा भाव ५३७६० रुपये आहे. मुंबईत २२ कॅरेट सोन्याचा भाव ५०४१० रुपये आहे. २४ कॅरेटचा भाव ५१४१० रुपये आहे. चांदीचा भाव एक किलोसाठी ६७५३० रुपये आहे.

जागतिक कमॉडिटी बाजारात सोन्याचा भाव १९५२ डॉलर प्रती औंस आहे. चांदीचा भाव ०.९ टक्के घसरला असून तो प्रती औंस २७.३० डॉलर आहे. डॉलर इंडेक्समध्ये ०.२ टक्क्यांची घसरण झाली आहे. बुधवारी कमाॅडिटी बाजारात सोने ९०० रुपयांनी वधारले होते. अमेरिकी डॉलरमध्ये सुधारणा झाल्याने मागील आठवड्यात स्पॉट गोल्डचे दर ०.२ टक्क्यांनी कमी झाले होते. त्यामुळे सुरक्षित असलेल्या या मौल्यवान धातूकडे गुंतवणूकदारांचा कल दिसून आला. युरोझोनमधील रखडलेली वसुली व अमेरिकी धोरणकर्त्यांची चिंता वाढत असूनही सलग दोन आठवडे तोटा होऊनही सोन्याच्या किंमती कमी झाल्या आहेत.अमेरिकी फेडरल रिझर्व्हने २८ आणि २९ जुलै २०२० रोजी झालेल्या धोरणात्मक बैठकीत सुधारणेसाठी खडतर मार्ग सुचवला होता. अमेरिकी फेडरल रिझर्व्हकडून आणखी प्रोत्साहनपर आधाराची गरज असल्याचे सांगितले. त्यामुळे सोन्याच्या किंमतीतील घसरण मर्यादित राहिली. तसेच १५ ऑगस्ट २०२० रोजी संपलेल्या आठवड्यात अमेरिकेत १० लाखांहून अधिक बेरोजगारीचे दावे दाखल झाल्यानेही सोन्याच्या किंमतींना काहीसा आधार मिळाल्याचे जाणकारांचे म्हणणे आहे.

२०१९-२० या आर्थिक वर्षात देशात १३.१६ अब्ज डॉलर म्हणजे ९१४४० कोटी रुपयांचे सोने आयात करण्यात आले होते. मात्र यंदा करोना आणि महागाईचा फटका या मौल्यवान धातूंच्या आयातीला बसला. सोने आयातीत एप्रिल ते जुलै या दरम्यान मोठी घसरण झाली. या काळात २.४७ अब्ज डॉलर इतके (भारतीय चलनात १८५९० कोटी) सोने आयात करण्यात आले. त्यात गत वर्षाच्या तुलनेत ८१.२२ टक्के घसरण झाली. दरम्यान सोने आयात कमी झाल्याने केंद्र सरकारला दिलासा मिळाला असून चालू खात्यातील तूट मर्यादित ठेवणे सरकारला शक्य होणार आहे.

LEAVE A REPLY

Please enter your comment!
Please enter your name here